GAS NATURAL MÉXICO pechou esta semana unha emisión de bonos por un importe de 152 millóns de euros (3.500 millóns de pesos mexicanos). Esta emisión fixouse a dous tramos: un de 87 (2.000 millóns de pesos mexicanos) a 3 anos a tipo variable con marxe do 0,40 % e outro tramo, de 65 (1.500 millóns de pesos mexicanos) a 7 anos a tipo fixo con marxe de 1,44 %.
A emisión logrou unha elevada demanda e foi sobresubscrita en case catro veces. A emisión, sen garantía da matriz, ten rating de AA+ Mx por Standard & Poor’s e AAA Mx por Fitch.
Esta emisión permite optimizar a estrutura financeira da compañía seguindo a senda da diversificación de instrumentos financeiros e poñendo en valor o desempeño operativo estable, o potencial de crecemento e o sólido posicionamento da compañía en México.
O director xeral de GAS NATURAL MÉXICO, Narcís de Carreras, asegurou que esta operación “reflicte o compromiso que a compañía ten no país e demostra que o sector enerxético é atractivo para os investidores”.