Vulnerabilidade enerxética
Puxemos en marcha en toda España un plan dirixido a persoas vulnerables co obxectivo de reforzar e sistematizar a xestión destes clientes, fortalecer a colaboración con entidades do Terceiro Sector e mellorar os mecanismos de relación con entidades sociais.
O plan busca reforzar as accións que xa realizabamos a través dunha vintena de medidas destinadas á atención e protección de clientes vulnerables. Por este motivo, reforzamos o noso equipo, que conta con aproximadamente 60 persoas, para despregar a ámbito nacional estas iniciativas de apoio e asesoramento tanto a persoas vulnerables coma a administracións locais, autonómicas e nacionais.
Estas accións responden ao noso compromiso de actuación ante as situacións de vulnerabilidade.
Que fai Naturgy?
Sempre fomos sensibles á pobreza enerxética e ás diferentes situacións de dificultade dos nosos clientes, por iso facilitamos o pagamento e desenvolvemos todas as operativas necesarias para axilizar os trámites que permitan dar prioridade as persoas en situación de vulnerabilidade.
Actualmente temos acordos asinados en toda España con diferentes administracións, especialmente con comunidades autónomas, que permiten a protección dos clientes vulnerables.
O papel da Fundación Naturgy
Rehabilitación de vivendas
Iniciativa solidaria para mellorar as condicións de vida das familias en situación de vulnerabilidade mediante a rehabilitación dos seus fogares.
Escola de Enerxía
A Escola de Enerxía para formar técnicos dos servizos sociais e familias en temas relativos á eficiencia enerxética e ao consumo responsable.
Premio á mellor iniciativa social na enerxía
Damos visibilidade a aquelas persoas, entidades ou institucións que destacan no ámbito social, vinculado, directa ou indirectamente, á enerxía.
Voluntariado enerxético
A solidariedade e o compromisomove aos nosos empregados voluntarios para asesorar directamente persoas en situación de vulnerabilidade enerxética.
Acceso á enerxía
Desenvolvemos a nosa actividade en zonas nas que a subministración de enerxía non alcanza a toda a poboación e, para nós, é unha prioridade atender as persoas que viven nestas áreas. Por iso, traballamos activamente no desenvolvemento das súas redes de distribución, para ofrecerlles un servizo seguro.
Ademais, somos sensibles aos distintos temas e situacións que comprometen o pagamento da subministración. Por este motivo, facilitamos –mediante diferentes mecanismos— a continuidade da subministración e a protección dos clientes vulnerables. Así, desenvolvemos sempre unha política proactiva contra a pobreza enerxética, protexendo os nosos clientes vulnerables en España mediante o cumprimento da lexislación vixente e a promoción e impulso de convenios de colaboración con distintos organismos públicos e privados.
