En relación coa venda da súa participación anunciada esta mañá por Repsol, o grupo GAS NATURAL FENOSA quere remarcar a excelente colaboración e apoio que mantivo con Repsol, accionista de referencia da compañía dende o ano 1989, así como con todos os membros do Consello de administración nomeados a proposta súa, e moi especialmente co seu presidente, Antonio Brufau, que tamén foi presidente de GAS NATURAL FENOSA dende 1997 ata 2004.
Da mesma forma, GAS NATURAL FENOSA valora moi positivamente a futura incorporación de CVC e de Corporación Financiera Alba ao seu conxunto de accionistas, que significa un recoñecemento á capacidade de creación de valor da compañía.
A compañía está convencida de que a nova estrutura accionarial en GAS NATURAL FENOSA reforzará as liñas estratéxicas que se desenvolverán nos próximos anos para posicionala como un dos principais actores enerxéticos a ámbito mundial.
Conselleiros de Repsol
A compañía enerxética recibiu hoxe a carta de renuncia á súa condición de conselleiros dos Sres. Josu Jon Imaz San Miguel e Miguel Martínez San Martín con data de efectos de hoxe.
Así mesmo, recibiu un escrito de Repsol, S.A. no que lle comunica o seu interese en que, para cubrir as vacantes orixinadas, poidan ser nomeados conselleiros dominicais de Repsol os Sres. Iñigo Alonso de Noriega Satrústegui e Guillermo Llopis García. As decisións relativas a esta cuestión incluiranse na orde do día da próxima sesión ordinaria do Consello de administración da compañía.